Subject: بيل غيتس في بلاد العجائب Tue Jul 06, 2010 8:55 pm
بعد ما نزل الويندوز فيستا الى أسواق سوريا قبل أي بلد بالعالم , و قبل أن تصرح مايكروسوفت إنو فيستا أصبح جاهز لينزل عالسوق انصعق بيل و عمل مؤتمر صحفي قال إنه ليس مسئولاً عن النسخ التي طرحت في السوق السوري كونها نسخ "مهكرة" وليست كاملة ...
وأصبح لديه فضول ليعرف عن سوريا أكثر و كيف تباع نسخ من ويندوز و أوفس بكل وقاحة تحت اسم مايكرو سوفت , وهي نسخ منسوخة و مهكرة
ركب طائرته الخاصة .. و وصل إلى سوريا
سئل ( و يلي بيسأل ما بيضيع ) ... حتى وصل الى "البحصة" ... وشاهد بائع عم ينادي عالديفيدي 4 ب 100 الديفدي.. يا أرض اشتدي و ما حد أدي ...أوكازيون... الرخصة فرصة و العالم محتشدة تتزاحم مثل مواطنين مقديشو عندما يزورهم الصليب الأحمر
أخرج " البلاك بيري " و حسب سعر العملة السورية مقابل الدولار ..(صفن نص صفنة)... فكانت النتيجة إنه النسخة التي تباع في أمريكا ب 500 دولار بالبحصة ب 50 سنت تقدم إلى البائع وأمسك نسخة أوفس و لعبة و نسخة ويندوز و سيدي تعليم هاكر مع برامج عطى البياع دولارين , فيقول له البائع " و الله حبيتك إذا بدك نزل أفاتار أورجينال خود واحد عالبيعة .."
بيل غيتس: أفاتار!! أورجينال !!! ...عالبيعة!!!!!!!!!! البياع : لك إيه من شي ساعة وصلني بيل غيتس : يا أخي شلون يعني وصلك من ساعة .... لا تخوتني فوق مالي مخوت البياع : يا أخي جربو و إذا ما كانت الصورة واضحة و على كيفك بدلو بيل غيتس: طيب هدول البرامج منسوخين مالهم نسخ أصلية شلون بدي شغلهم البياع لك شو ماعندي غيرك , بابا ( يخاطب ابنه الصغير ) إيم هالموبايل من إيديك و تعى ورجي الشب شلون بشغلهم أخذ بيل النسخ ومضى يعترضه رجل أجنبي : بيل .... بيل غيتس ؟؟؟!!! بيل غيتس : إيه نعم هادا أنا , شو شايفك حامل و مكتر. الأجنبي : إي و الله أنا بعد ما دريت بالبحصة صرت بدال ما حط مصرياتي حق برامج , باخد تيكيت طيارة و أوتيل و بشتري غراضي من هون, بتوقف علي أرخص . بيل غيتس : طيب ما عم تعمل معك مشاكل هالبرامج؟؟؟ الأجنبي : لا و الله متل الليرة , في شركة حلبية عم تعدل بإعدادات النسخ , بتصير بتشتغل أحسن من تبعكم بلا مؤاخذة بيل : خير إن شاء الله
عاد بيل إلى وطنه وهو الرجل الذي اخترع أهم أنظمة التشغيل في العالم ، يفكر عاجز عن حل معضلة البحصة ؟